જીવે છે મારા શ્વાસમાં

સંબંધો નું જ્યાં પરિવર્તન થયું છે સ્વાર્થમાં,

ત્યાં એકાદ માણસ મળવો અઘરો છે વિશ્વાસમાં,

સંબંધોનું મૂલ્ય જો માનવી સમજતો હોત,

તો કોઈ મા ન જાત વૃધ્ધાવાસમાં,

માત્ર એક પળનો જ સંબંધ હોઈ છે હ્રદયનો શ્વાસ સાથે,

પછી તો એ પણ તૂટી જાય છે ઉચ્છવાસમાં,

બહું અટપટી છે આ માયાજાળ,

તોય હજુ માણસાઈ જીવે છે સંસારમાં,

કેમ કે જ્યાં રક્તસંબંધો ને ઉણા ઉતરતા જોયા છે,

ત્યાં હજુ સ્નેહસંબંધો જીવે છે મારા શ્વાસમાં.