సాగుము యువతా!//
సాగుము యువతా!//
సాగుము!యువతా!//
కవిత //
పోటీతత్త్వముతో చెలగాడుచు
ప్రతిభను చూపుచు గెలిచెడి యువతా!/
దీటుగ నిలబడి విశ్వపుటంచున
చాటగ దేశపు కీర్తిని ఘనులై
శాస్త్రములందున లోతగు శోధన
సల్పుచు ముందుకు దూకుచు నూతన
శకముకు నాంది పలుకుచు యువతా!/
భావికి దారులు వేయుచు జయులై
నీతికి నిత్యము తోడుగనిలిచి
ఘాతుక భావనలన్నియు విడిచి
శాంతియు ధర్మము కోరుచు యువతా!/
దేశ ఋణంబును తీర్చుచు హితులై
మతకలహంబులు మారణ హోమము
మనకిక వలదని సాత్విక
జీవన సాధకులై నవ యువతా!/
మంచితనంబుకు తరగని నిధులై
మట్టిని, మహిళను పల్లెను, తల్లిని
ఎల్లరి మేలును కోరెడి వనముల,
నదులను,గిరులను, పశువుల పక్షుల
రక్షణ చేయుచు భారత యువతా!/
జగతికి జాగృత మొనర్చి సిరులై
భారత దేశపు జవజీవముగా
పరుగులు బెట్టుచు వర్ధిలు యువతా!//