மடமையைக் கொளுத்துவோம்
மடமையைக் கொளுத்துவோம்
கலவிக்காக காதல் செய்யும்
மடமையைக் கொளுத்துவோம்
மோகத்திற்காக மோசம் செய்யும்
மனிதரை கொளுத்துவோம்
கருநிறத்தால் கலங்கும்
மடமையைக் கொளுத்துவோம்
கருமையை குப்பையாக்குபவரின்
கருவிழியை கொளுத்துவோம்
அடுப்பங்கரையை ஆட்சிசெய்யும்
மடமையைக் கொளுத்துவோம்
அங்கு அடிமையாக்கும்
ஆண்மையை கொளுத்துவோம்
பசிக்கு பிச்சை எடுக்கும்
மடமையைக் கொளுத்துவோம்
சிறுதொழிலுக்கும் சிந்திக்கும் சோம்பலை கொளுத்துவோம்
ஜாதியுடைய ஜனங்களின்
மடமையைக் கொளுத்துவோம்
ஜனநாயகத்தின் சர்ச்சைகளை கொளுத்துவோம்
தன்னை தட்டி புதைக்கும்
மடமையைக் கொளுத்துவோம்
இழிவு செய்யும் இம்சைகளை கொளுத்துவோம்
வியந்து விழிக்கும்
மடமையைக் கொளுத்துவோம்
கழுத்தை கடிக்கும் கயிற்றை கொளுத்துவோம்
பச்சோந்தியாய் பிழைக்கும்
மடமையை கொளுத்துவோம்
பணத்தை புசிக்கும் பூதங்களை கொளுத்துவோம்
அரசியல் அரக்கனின் மடமையைக் கொளுத்துவோம்
ஓட்டுக்கான கையூட்டை கொளுத்துவோம்
பேராசை பேயின்
மடமையைக் கொளுத்துவோம்
பேரண்டத்தில் பரவிய பொறாமையை கொளுத்துவோம்
பெற்றோரை அவமதிக்கும் மடமையைக் கொளுத்துவோம்
முதியோர் விடுதியில் விண்ணப்பிக்கும் விரலை கொளுத்துவோம்
கலி காலத்தின் மடமையைக் கொளுத்துவோம்
உயிர் கொண்ட உலகை
உயர்த்துவோம் வாரீர்.