அநாதையின் கடிதம்

ஜாதி இல்லா மனித ஜாதி 

அன்பிற்காக ஆதரவற்றவராய் 

அடைக்கலம் அளிப்பவரை அன்னையாக ஏற்று 

அரவணைப்பில்லா அநாதை நாங்கள் 

குப்பை தொட்டியில் சிலரது பிறப்பு 

குப்பையில் சிலரது வாழ்வு 

காப்பகத்தில் யாரும் காணா வாழ்வு 

காயத்தால் விழிமூடும் எங்கள் கனவு

சமூகத்தில் பிறப்பு அறியா பிள்ளைகள் 

சிலரின் சிந்தனையில் தீண்ட தகாதவர்கள் 

சிலருக்கு வியாபார பொருட்கள் 

சிலருக்கு விளையாட்டாய் நாங்கள் 

ஒருவரது புண்ணியத்தால் 

எங்களில் ஒருவருக்கு நல்வாழ்வு 

முன்ஜென்ம பாவத்தால் 

சிலருக்கு பாரமான வாழ்வு 

பொய்யான உலகில் தனித்து நிற்கும் 

எங்கள் வாழ்வு வரமா? 

பொன்னான கைகள் கோர்த்து 

தோள் சாய இல்லா 

இந்த வாழ்வு சாபமா? 

உணவு உடை உறைவிடம் மட்டும் தான் இல்லை 

இருந்தாலும் நாங்களும் மனிதர்களே 

எங்களுக்கு உயிருடன் கலந்த உணர்வும் உண்டு

தன்னம்பிக்கையுடன் தன்மானமும் உண்டு.