ମୁଁ ତ ତୁମ ସନ୍ଦେହର
ମୁଁ ତ ତୁମ ସନ୍ଦେହର
1 min
221
॥ ମୁଁ ତ ତୁମ ସନ୍ଦେହର ॥
ମୁଁ ତ ତୁମ ସନ୍ଦେହର କାଆଁଳ ସକାଳ
ମୁଁ ତ ତୁମ ସନ୍ଦେହର ସୁଡଙ୍ଗ ଦୁଆର
ମୁଁ ତ ତୁମ ସନ୍ଦେହର କାଳି ଜହ୍ନ ରାତି
ମୁଁ ତ ତୁମ ସନ୍ଦେହର ଲମ୍ପଟ ପାହାନ୍ତି ।
ମୁଁ ତ ତୁମ ସନ୍ଦେହର କୁଣ୍ଡାଝରା ବର୍ଷା
ମୁଁ ତ ତୁମ ସନ୍ଦେହର ଲୁଚାଛପା ଈର୍ଷ୍ଯା
ମୁଁ ତ ତୁମ ସନ୍ଦେହର କୁହୁଡିଆ ସଂଜ
ମୁଁ ତ ତୁମ ସନ୍ଦେହର ଖିଅଧରା ଲାଞ୍ଜ ।
ମୁଁ ତ ତୁମ ସନ୍ଦେହର ଉଡା ଖଣ୍ଡିକାଶ
ମୁଁ ତ ତୁମ ସନ୍ଦେହର ରଙ୍ଗକରା କେଶ
ମୁଁ ତ ତୁମ ସନ୍ଦେହର ତଣ୍ଟି ଅଠାଅଠା
ମୁଁ ତ ତୁମ ସନ୍ଦେହର ମିଛ ମାଛକଣ୍ଟା ।
ମୁଁ ତ ତୁମ ସନ୍ଦେହର ମଣ୍ଡଦିଆ ଗପ
ମୁଁ ତ ତୁମ ସନ୍ଦେହର ଶାଣଦିଆ ପାପ !