ଆ ଖେଳିବା ଛକି‐ଶୂନ

କାହିଁକି ? ଆଉ କେତେଦିନ ?

କେଉଁ ପାଳିରେ ତୁମ ଛକିକୁ ମୋର ଶୂନ

କେଉଁ ପାଳିରେ ମୋର ଛକିକୁ ତୁମ ଶୂନ

ସବୁ ପାଳି ତୁମେ ଜବରଦସ୍ତ ଜିତୁଛ ତ

ହାରି ହାରି ଜିଣିବାର ସ୍ବାଦ କେତେ ମିଠା

କେବେ କ'ଣ ଚାଖିଛ !

ଛକିରେ ମୁଁ ଜୀବନକୁ ଯୋଡୁ ଯୋଡୁ

ଶୂନରେ ମୂଲ୍ଯହୀନ କରିବାର ଅହଂକାର

ଶୂନରେ ମୋ ପୂର୍ଣ୍ଣତାର ବର୍ତ୍ତୁଳ ଅଙ୍ଗୀକାରକୁ

ଛକି ମାରିଆସିଛି ତୁମ ଅସ୍ବୀକାର !

ଏ ଖେଳରେ କାହାର ଅଧିକାର

ନା କେଉଁ ଜୀବନର ନା ଯୌବନର !

ହୁଁ,ଏବେ ବି ‐ "ଆ ଖେଳିବା ଛକି ଶୂନ"

ଏ ଗୋଟେ ନିର୍ବୋଧ ବାଞ୍ଝ ଉଚ୍ଚାରଣ !