ଭ୍ରମରର ଆକର୍ଷଣ
ଭ୍ରମରର ଆକର୍ଷଣ
ଶ୍ରୀମତୀ ଶୈଳବାଳା ପାଣିଗ୍ରାହୀ
ଯାଆରେ ମନ ଯାଆ ଉଡି ଯାଆ ଝରି ଗାଆଁକୁ
ଝରି ଗାଆଁରେ ଦେକିବୁ ପ୍ରକୃତିର ମାଆକୁ l
ଝର ଝର ଝରଣା ତା ପାଦର ନୂପୁର
ବାଳ ଅରୁଣର ଆଭା ତା ମଥା ସିନ୍ଦୁର
ସବୁଜ ବନାନୀ ଶାଢୀ ଢାଙ୍କି ହୋଇ ଅଙ୍ଗେ
ପୁଲକିତ ମନ ପ୍ରାଣ କାକଳୀ ତରଙ୍ଗେ
ଆଖି ପୂରାଇ ଦେଖିବୁ ଶୋଭାମୟକୁ l
ନୀଳ ଆକାଶେ ଉଡାଇ ବାଦଲ ଓଢଣୀ
ଧୂସର ମାଟିରେ ଲେଖେ କେତେ ଯେ କାହାଣୀ
ମାଦଳର ତାଳେ ତାଳେ ଆଦିମ ସଙ୍ଗୀତ
କବି ପ୍ରାଣେ ସୃଷ୍ଟି କରେ ନୂତନ ପୁଲକ
କଲମର ରସାମୃତ ଚlଖେ ତାହାକୁ l
ସହସ୍ର ଯୋଜନୁ ମୋତେ ଡକେ ହାତ ଠାରି
ଜାଗ୍ରତେ ସପନେ ଦିଶେ ତା ଶୋଭା ମାଧୁରୀ
ଥାଆନ୍ତି ଯଦି ମୋର ଟିକି ଟିକି ଡେଣା
ଉଡିଯାଇ ତାହହା କୋଲେ ଶୋଇଥାନ୍ତି ସିନା
କହିଥାନ୍ତି କେତେ କଥା ମମତାମୟୀକୁ l
ସବୁଜ ବନାନୀ ଘେରା ସ୍ଵରାଜ୍ୟ ମନ୍ଦିର
ଶିଶୁଙ୍କ ଗହଣେ ସଦା ଚପଳ ଝଙ୍କାର
କଳସ ଯାତ ତାହାର ମାଟି ମାଆ ପାଇଁ
କୁମାରୀ କନ୍ୟା ରୂପରେ ବିଜେ ମହାମୟୀ
ଏକକୁ ଆରକ ବଳି ଭୁଲିବି କାହାକୁ l
ସୁନ୍ଦର ତୃପ୍ତିରେ ତାର ଅବସାଦ ନlହିଁ
ସାଇ, ଚନ୍ଦନ ଛୁରୁଛି ତା ଶୋଭାକୁ ବଢାଇ
ଆଦିମ ପଲ୍ଲୀର ଦୃଶ୍ୟ କରେ ଉଲ୍ଲlସ
ଜହ୍ନ ଏଠି ମନ ଛୁଏ ମାଦଳ ବଜାଇ
ମାନସ ପଟେ ଆଙ୍କିଦେ ତା ଚିତ୍ରପଟକୁ l