Audio

Forum

Read

Contests

Language


Write

Sign in
Wohoo!,
Dear user,
ନକର ହେ ପଥହୁଡା
ନକର ହେ ପଥହୁଡା
★★★★★

© Abhiram Sahoo

Others

1 Minutes   6.9K    4


Content Ranking

କେଉଁ ଧୂପରେ ମୁଁ ବନ୍ଦିବି ତୁମକୁ

ଧୂପ ତ ଯାଉଛି ଜଳି

କେଉଁ ଦୀପରେ ମୁଁ ଆଳତି ବାଢିବି

ଘିଅ ତ ଯାଉଛି ସରି ॥

କେଉଁ ଫୁଲରେ ବା ପୂଜା ମୁଁ କରିବି

କାଲିକୁ ମଉଳିଯିବ

କେଉଁ ପାଟଡୋରେ ତନୁ ସଜେଇବି

କାଲିକୁ ପୁରୁଣା ହେବ ॥

କେଉଁ ମନ୍ଦିରରେ ଥାପିବି ତୁମକୁ

ତୁମେ ପରା ତା'ଠୁ ବଡ

କେଉଁ ସିଂହାସନେ ବସାଇ ପୂଜିବି

ସେ କି ତୁମଠାରୁ ଦୃଢ ॥

କେଉଁ ଭୋଗ ଅବା ନୈବେଦ୍ଯ ବାଢିବି

ଯାହା ନୁହେଁ ତୁମ ସୃଷ୍ଟି

କେଉଁ ମନ୍ତ୍ରରେ ଆମନ୍ତ୍ରିବି ପ୍ରଭୁ !

କାହିଁ ଅତୀନ୍ଦ୍ରିୟ ଦୃଷ୍ଟି ॥

କେଉଁ ଜଳନେଇ ପୂଜିବି,ତୁମରି

ନଖକୋଣେ ପରା ଗଙ୍ଗା

କେଉଁ ଅନ୍ନ ଅବା ବାଢିବି,ତୁମେ ତ

ଷାଠିଏ ପଉଟିଲଗା ॥

ଏ ସାରା ସଂସାର ଯାହାର ଭିଆଣ

ତା'ର ପୂଜାବିଧି ପାଇଁ

ଲୁହ ଦୁଇଟୋପା ଛଡା ଆଉକିଛି

ନିଜର ବୋଲି ମୋ ନାହିଁ ॥

କୋହ ଟଳମଳ ହୃଦୟ ଆଉ ମୋ

ଲୁହ ଛଳଛଳ ଆଖି

ସେ ଆଖିରେ ତୁମ ଦୁଇ ଚକାଆଖି

ସତେ ଯାଇଥିବ ଲାଖି ॥

ଭାବ‐ସରସୀରୁ ଭକତି‐କମଳ

ତୁମପାଦେ ଲୋଟୁଥିବ

ଲୁହରେ ପଖଳା ତୁମ ଦୁଇପାଦ

ଓଠ ମୋର ଚୁମୁଥିବ ॥

ପୁଣ୍ଯ ମୋ ଲୋଡା ନାହିଁ ମହାପ୍ରଭୁ !

ନାହିଁ ମୋ ମୋକ୍ଷ ଲୋଡା

ଭକ୍ତ‐ଭଗବାନ ଭାବ‐ବନ୍ଧନୁ

ନକର ହେ ପଥହୁଡା ॥

×××



ଦୀପ ମନ୍ଦିର ମୋକ୍ଷ

Rate the content


Originality
Flow
Language
Cover design

Comments

Post


Some text some message..