ମକର ମହିମା
ମକର ମହିମା
କେଡେ ମହାନ ତୁମ ଗୁଣ ଓ ମହିମା
ହେ ବହୁନାମୀ ସଂକ୍ରାନ୍ତି ମକର......
ଅପକ୍ଵ ଅରୁଆ ମକରାନ୍ନ ଭୋଗ
ଆଜି ପାଆନ୍ତି କଳା ଠାକୁର....।
କିଏ କହେ ତୁମେ ଉତ୍ତରାୟଣୀ
କେ ପୁଣି ପରବ ଅମଳ ର...
ତୁମ ଯଶ ବାନା କାହାକୁ ଅଜଣା
ହେଉ ପଛେ ଦେଶ ଓ ଦେଶ ବାହାର...।
ତାମିଲ୍,ଶ୍ରୀଲଙ୍କା ପୁଣି ମାଲେସିଆ
ହେଉ ପଛେ ସିଙ୍ଗାପୁର....
'ଥାଇ ପୋଙ୍ଗଲ' ର ନାମେ ଖ୍ୟାତି ତୁମ
ମେଲେଇ ଦେଇଛ ଆସର...।
'ମାଘି' ତୁମେ ସାଜିଛ
ହରିୟାଣା,ହିମାଚଳ ରେ
'ମାଘ ବିହୁ' ଆସାମ ର....
ପିଠା ପଣା ସାଥେ ଗୁଡ଼ି ଉଡ଼ା ନେଇ
ଓଡ଼ିଶା ଆସିଛ ହେଇ ' ମକର '...।
'ହଳଦୀ କୁକୁମ' ଲଗେଇ ଦେଇଛ
ପ୍ରତି ମରାଠା,ନେପାଳ ପ୍ରାଣର
'ସୁଗି ହାବ୍ବା' ହେଇ ପରବ କୁ ନେଇ
ଛୁଇଁଛ ହୃଦୟ କର୍ଣ୍ଣାଟକ ର....।
କାଶ୍ମୀର ଘାଟେ ' ଶିଶୁର ସଂକ୍ରାନ୍ତ '
'ମକର ଜ୍ୟୋତି' କେରଳ ର
' ପୌଷ ସଂକ୍ରାନ୍ତ ' ହେଇ ବୁଲୁ ଅଛ
ବଙ୍ଗଳା ର ଘର ଘର....।
' ଉତ୍ତରାୟଣି ' ରଙ୍ଗେ ରଙ୍ଗୀନ କରିଛ
ଗୁଜୁରାଟ ରାଇଜର...
' ଖିଚିଡି ସଂକ୍ରାନ୍ତି ' ହେଇ ମନମୋହୁଛ
ଶ୍ରୀରାମ ଜନ୍ମ ଧାମ ର...।
ପ୍ରକୃତି ସହର ଗୋଆ ଟି ହସୁଛି
' ମାଘ ସଂକ୍ରାନ୍ତ ' ଅବସର ର
ତାଳେ ତାଳେ ନାଚେ ' ତିଳ ସଂକ୍ରାନ୍ତି '
ମିଳାଇ ପାଦ ବିହାର ର ...।
ଆନ୍ଧ୍ର ତେଲେଙ୍ଗାନା ମଧ୍ୟ ରାଜ୍ୟେ ତୁମେ
ଆସ ' ସଂକ୍ରମଣ ' ନାମର
ତ୍ରିପୁରା ରେ ' ହଂଗ୍ରାଇ ' ପଞ୍ଜାବେ ' ଲହଡ଼ି '
କେତେ ରଙ୍ଗ ରୂପ ତୁମର ...।
ଯେତେ ଗାଇଲେ ବି ମନ ପୁରୁ ନାହିଁ
କରୁଛି ମୁଁ ତୁମ ଜୟକାର ।।