ଗଜଲ -ଖେଳ
ଗଜଲ -ଖେଳ
***
ତୁମେ ପଚାରିବ ମୁଁ କହୁଥିବି,
ତୁମେ କହୁଥିବ ମୁଁ ଶୁଣୁଥିବି,
ଚାଲିଥିବ ଇଏ ଖେଳ l
ତୁମ କୁହା କଥା ଯଦି କହିଦେବି,
ତୁମ ମନକଥା ଯଦି ପଢ଼ିଦେବି,
ବିଗିଡି ଯିବ ଏ ଖେଳ ।
ତୁମ ଅନୁଦାନେ ଧନ୍ୟ ମଣୁ ଥିବି,
ତୁମେ ଆଜ୍ଞା ବିନା ପାଦେ ନ ଚାଲିବି,
ଚାଲି ଥିବ ଇଏ ଖେଳ l
ଯଦି ଠିଆ ହୋଇ ସଳଖି ଚାଲିବି,
ମୁହଁ ଖୋଲି ନିଜ କଥା କହିଦେବି,
ବିଗିଡି ଯିବ ଏ ଖେଳ ।
ସବୁ ଶୁଣୁଥିବି କିଛି ନ କହିବି,
ସବୁ ଦେଖୁ ଥିବି ଆଖି ବୁଜିଦେବି,
ଚାଲିଥିବ ଇଏ ଖେଳ l
ଅଙ୍ଗେ ନିଭି ଦୁଃଖ ନିରବ ନ ହେବି,
ମନକୁ ବାଧିଲେ ମୁହଁ ଖୋଲି ଦେବି,
ବିଗିଡି ଯିବ ଏ ଖେଳ ।
ପଥରରୁ ପ୍ରାଣ ଫେରି ମୁଁ ପାଇବି,
ପୁଣି ପୌରୁଷ ର ଯଶ ଗାଉଥିବି,
ଚାଲି ଥିବ ଇଏ ଖେଳ l
ପଥରରୁ ପ୍ରାଣ ଯେବେ ମୁଁ ପାଇବି,
ବିନାଦୋଷେ ଦଣ୍ଡ ପାଇଲି କହିବି,
ବିଗିଡି ଯିବ ଏ ଖେଳ ।
. *****
ଡ଼ ବିଦ୍ୟୁତପ୍ରଭା ଗନ୍ତାୟତ