प्रजासत्ताक दिन
प्रजासत्ताक दिन
लहरतो तिरंगा हा अभिमानाने
उंच उंच उंच फडकतो या गगनात
सदैव उजळत राहो तेज ध्वजाचे
सार्या भारतीयांच्या मनामनात
करू या आदर नेहमीच आपण सारे
संविधानाचाही ठेवू या आपण मान
डाॅ.बाबासाहेबांनी केले संविधान
ठेवू याचा आपण सार्थ अभिमान
भारत देश जन्मभूमी या वीरांची
सरदार भगतसिंग अन् सावरकरांची
प्राणांची आहुती दिली देशासाठी
प्रसन्न पहाट उगवली स्वातंत्र्याची
शहीदांच्या रक्तात भासे भगवा रंग
शांततेचे प्रतिक आहे धवल रंग
नील चक्र दाखवतो कामाचे तास
जीवन जगण्याचे वरदान देतो हिरवा रंग
सर्वधर्मसमभाव सर्वांच्या मनी वसू दे
दया, क्षमा, शांतीचा निवास राहो मनामनात
माणुसकीचेही भान राहू दे सर्वांनाच
बंधूभावाची ज्योत तेवत राहो तनामनात