धन्यवाद शिक्षक

छात्र घडवतो थोर 

असा महिमा जयांचा 

मज घडविले ज्यांनी 

आहे कृतज्ञ तयांचा .. १

लडिवाळ शिकविले 

बळ अंगात दिधले 

संकटांना झुंजण्याचे 

अंगी सामर्थ्य घातले .. २

दंडवत शत शत 

माझ्या थोर त्या गुरूंना 

होती ज्यांची मजवर 

खरी अपार करूणा .. ३

घडोघडी चेतवून 

सारा काळोख झारला 

हितगुज आपलीशी 

मार्ग कल्याणा दावला .. ४

त्यांची भक्कम सोबत 

हात पाठी आधाराचा 

अजूनही ऋणी मी हो 

माझ्या प्रिय शिक्षकांचा... ५