સમાધાન કર્યું છે
સમાધાન કર્યું છે
1 min
7.0K
આતમા સાથે મે સમાધાન કર્યું છે;
મનને માયાથી મેં બેધ્યાન કર્યું છે.
બેસુમાર પ્યાર ઉભરાય છે મનમાં;
જ્યારથી સાહેબનું ધ્યાન કર્યું છે.
આ શરીર પણ ઘણું કનડે છે વચ્ચે;
તેથી એને પણ મેં બેભાન કર્યું છે.
આમ તો સંસાર સાવ ક્યાં નર્ક છે?
એનું તો મેં પણ ભલા માન કર્યું છે.
ચક્ષુ નાની રાખવામાં લાગે છે દવ;
તેથી નજરે મોટું મેદાન કર્યું છે.
દીધું છે અઢળક ઇશે આપણ સહુને;
તેથી દિલ ખોલીને મેં દાન કર્યું છે.
છે 'વિજય' તો એક જોગી, શું પડી છે?
એણે તો ભીતરનું સન્માન કર્યું છે.