ફળ અમરતનાં લાગે છે.
ફળ અમરતનાં લાગે છે.
1 min
6.9K
ઈંગ્લા 'ને પિંગ્લા વાર થોડી મળતાં લાગે છે,
કિંતું મળી ગ્યા બાદ ફળ અમરતનાં લાગે છે.
સુરતા લગાવું ત્યાં તો ભેગી નુરતા લાગે છે;
સમરણમાં રે'તાં, બેઉ હરતાં ફરતાં લાગે છે.
એની કળાનો પાર કોં પામી શકે જગમાં,
નભથી બની તારા સ્વયં હરિ ખરતા લાગે છે.
ચોમાસું તો ચાલ્યું ગયું કે દિનનું, તોયે પણ,
ખુલ્લા આ નભમાં હરિજનો જળ ભરતા લાગે છે.
છે ભક્તિમાં ખટપટ ઘણી, સમજાશે નહિ ઝટપટ,
સમજાઇ જાતાં આ ડખા સૌ મટતા લાગે છે.