એ નડ્યું!
એ નડ્યું!
1 min
13K
આટલું બસ ભાન ન્હોતું, એ નડ્યું!
વાતનું સંધાન ન્હોતું, એ નડ્યું!
આપણો વિરોધ કંઈ ખોટો ન'તો,
બંધનું એલાન ન્હોતું, એ નડ્યું!
વાત દુનિયાદારીની નોખી હતી;
પણ મને એ જ્ઞાન ન્હોતું, એ નડ્યું!
હું ધસી ગ્યો છેક સામી છાતીએ,
પીઠ પાછળ ધ્યાન ન્હોતું, એ નડ્યું!
વાંક ક્યાં મારો હતો? - પણ ભીડમાં,
કોઈ પણ ઈન્સાન ન્હોતું, એ નડ્યું!
જીંદગીએ દાવ લ્યો, લીધા કર્યો;
મોત ઉપર માન ન્હોતું, એ નડ્યું!