Quotes New

Audio

Forum

Read

Contests


Write

Sign in
Wohoo!,
Dear user,
મારો વીર રે
મારો વીર રે
★★★★★

© Zaverchand Meghani

Others

1 Minutes   97    6


Content Ranking

દરિયો ડોલે રે માઝમ રાતનો,

ઝૂલે જાણે પારણે મારો વીર રે !

મધરાતે માતા રોતા વીરાની દોરી તાણતી.

છલકે મોજાં ને છોળો મારતાં,

ખુંદે જાણે ખોળલા મારો વીર રે !

મધરાતે માતા રોતા વીરાની દોરી તાણતી.

આભમાંથી ચાંદો રેલે ચાંદની,

પાથરે જાણે વીરાના ઓછાડ રે !

મધરાતે માતારોતા વીરાની દોરી તાણતી.

ઝલકે ઝલકે રે જળ માછલી,

ઝલકે જાણે વીર મારાની આંખ રે !

મધરાતે માતા રોતા વીરાની દોરી તાણતી.

ઉઘડે ઉઘડે ને બીડાય તારલા,

ઉઘડે જાણે મા-જાયાના નેન રે !

મધરાતે માતા રોતા વીરાની દોરી તાણતી.

ઝબકે ઝબકે રે ઝીણી વીજળી,

ઝબકે જાણે સોણલે મારો વીર રે !

મધરાતે માતા રોતા વીરાની દોરી તાણતી.

દરિયો ગાજે રે માઝમ રાતનો,

માવડી જાણે વીરને હાલાં ગાય રે !

મધરાતે માતા રોતા વીરાની દોરી તાણતી.

દરિયો મલકે ને ડોલર ફીણ વળે,

મલકે જાણે વીર મારાનાં મુખ રે !

મધરાતે માતા રોતા વીરાની દોરી તાણતી.

માતા સંતાન પારણું કવિતા

Rate the content


Originality
Flow
Language
Cover design

Comments

Post

Some text some message..