ପୁରୁଷ ଏବଂ ରୋଷେଇ

କିଛି ପୁରୁଷ କହନ୍ତି 'ମତେ ରୋଷେଇ ଶିଖିବା କଣ ଦରକାର ଯେ ଆଉ ମତେ ଆଜି ଯାଏଁ ସେ ସଵୁର ଆବଶ୍ୟକତା ପଡିନି । ହଉ ହେଲା ସେ କଥା ଏ ମୁଣ୍ଡରେ ପଶିଗଲା, କିନ୍ତୁ କଣ ପୁରୁଷ ହେଇଛ ବୋଲି ଉପାସ ତ' ରହୁନ, ହେଲେ ଶିଖିବାରେ ଅସୁବିଧାଟା କଣ ? ଏପରି କେଉଁଠି ଲେଖାହେଇଛି ଯେ କେବଳ ନାରୀ ହିଁ ରୋଷେଇ କରିବେ ଆଉ ପୁରୁଷ କେବଳ ଖାଇବେ? କଥା କଣ କି , ମୁଁ ଏମିତି ଶୁଣିଛି କିଛି ପୁରୁଷଙ୍କ ମୁହଁରୁ ସେଥିପାଇଁ ଏଠି ବଖାଣି ଚାଲିଛି । ଆଉ ହଁ ଏମିତି କିଛି ପୁରୁଷ ମଧ୍ୟ ଅଛନ୍ତି ଯେ ରୋଷେଇ କରିବାରେ ଏକ ଦମ ମାହିର ଏବଂ ରୋଷେଇ କରିବାକୁ ମଧ୍ୟ ଭଲ ପାଆନ୍ତି , ସେତେବେଳେ ଖୁସି ଲାଗେ ଯେବେ ଜଣେ ପୁରୁଷ କୁହେ ଯେ 'ରୋଷେଇ କରିବାକୁ ମତେ ଭାରି ପସନ୍ଦ' ।

ଜଣେ ପୁରୁଷର ମନ ମଧ୍ୟ ସୁଆଦିଆ ଖାଦ୍ୟ ଖୋଜେ ଆଉ ସେତେବେଳେ କାହା ହାତ ରନ୍ଧାକୁ ନ ଚାହିଁ ନିଜେ କିଛି ସୁଆଦିଆ ବନେଇ ଖାଇଲେ କଥାଟି କେଡେ ସୁନ୍ଦର ହୁଅନ୍ତା? ଯେତେବେଳେ ମନ ସୁଆଦିଆ ଖାଦ୍ୟକୁ ଖୋଜେ ତେବେ ସୁଆଦିଆ ହାତ ରନ୍ଧା ଶିଖିବା ପ୍ରତି ଧ୍ୟାନ ଦେବା ମଧ୍ୟ ଉଚିତ । ରୋଷେଇ ଶିଖିଗଲେ କାହାର ମାନହାନି ହେବନାହିଁ ବରଂ ଆଉ ଏକ ଦକ୍ଷତା ସାଥିରେ ଯୋଡି ହେଇଯିବ । ମୁଁ ଏଠି କାହାକୁ ଆକ୍ଷେପ କରି କହୁନାହିଁ କି କାହାକୁ ନିନ୍ଦା କରିବାର ମୋର ଲକ୍ଷ୍ୟ ନୁହେଁ , ଯାହା ସତ ତାହା କେବଳ ଏଇ କଲମ ଲେଖିଚାଲିଛି । 

ଧନ୍ୟବାଦ |