End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

ଶିଶିର ସାହୁ ମନୋଜ

Others


5.0  

ଶିଶିର ସାହୁ ମନୋଜ

Others


ଦର୍ପ ବିସର୍ଜନ

ଦର୍ପ ବିସର୍ଜନ

1 min 237 1 min 237


ରାଜ୍ୟାଭିଷେକ ପରେ ବାଇବ୍ଲେସ୍ ନଗରର ରାଜା ନିଜ ସୁନାର ଉଆସକୁ ଚାଲିଗଲେ ଯାହାକୁ ତିନିଜଣ ଏକାନ୍ତବାସୀ ଜାଦୁଗର ତାଙ୍କ ପାଇଁ ଗଢ଼ିଥିଲେ । 


ରାଜା ନିଜର ମୁକୁଟ ଓ ପାଟବସନ ଓହ୍ଲାଇ ପକାଇ ନିଜ ବିଷୟରେ ଭାବିବାକୁ ଲାଗିଲେ । 


“ଏବେ ମୁଁ ବାଇବ୍ଲେସ୍ ର ଶକ୍ତିଶାଳୀ ଶାସକ ହୋଇ ଯାଇଛି।”


ହଠାତ୍ ସେ ଦେଖିଲେ ରାଜମାତାଙ୍କ ଦ୍ଵାରା ପ୍ରଦତ୍ତ ଆରସୀରୁ ଏକ ଉଲଗ୍ନ ବ୍ୟକ୍ତି ବାହାରକୁ ବାହରୁଛି । 


ରାଜା ସେ ଲୋକକୁ ଚଢା଼ଗଳାରେ କହିଲେ ‘‘ତୁମେ କଣ ଚାହୁଁଛ ?’’


ଉଲଗ୍ନ ବ୍ୟକ୍ତିଟି ଉତ୍ତର ଦେଲା, ‘‘କିଛି ବି ନୁହଁ ! ତେବେ ସେ ଲୋକେ ତୁମକୁ ମୁକୁଟ କାହିଁକି ପିନ୍ଧେଇ ଦେଲେ ଯେ ?”


ରାଜା କହିଲେ, “ମୁଁ ଏ ଦେଶର ସବୁଠାରୁ ମହାନ ବ୍ୟକ୍ତି ସେଇଥିପାଇଁ ।’’


ଉଲଗ୍ନ ବ୍ୟକ୍ତି—‘‘ହେଲେ ତୁମେ ଏହାଠାରୁ ବି ମହାନ ହୋଇଥିଲେ ହେଁ ରାଜା ହେଵା ଯୋଗ୍ୟ ତ ନଥିଲ।’’


ରାଜା—, ‘‘ମୁଁ ଦେଶର ସବୁଠାରୁ ବୁଦ୍ଧିମାନ ବ୍ୟକ୍ତି ତ ସେଇଥିପାଇଁ ସେମାନେ ମୋତେ ମୁକୁଟ ପିନ୍ଧେଇ ଦେଇଛନ୍ତି ।”


ଉଲଗ୍ନ ବ୍ୟକ୍ତି— “ ତୁମେ ଯେତେ ଅଧିକ ବୁଦ୍ଧିମାନ ହୋଇଥିଲେ ବି ରାଜା ଚୟନ କରାଯିବାର ଯୋଗ୍ୟ ତ ନଥିଲ।’’


ରାଜା ଆଉ ସହିପାରିଲେନି । ସେ ଚଟାଣ ଉପରେ ମୁଣ୍ଡ ନଇଁକରି ବସିପଡି଼ଲେ ଆଉ ଠିକ୍ ଛୋଟ ପିଲାଟିଏ ପରି କାନ୍ଦିବାକୁ ଲାଗିଲେ ।

ଉଲଗ୍ନ ବ୍ୟକ୍ତିଟି ନତମସ୍ତକ ପ୍ରାୟ ବସିରହିଥିବା ସେହି ଲୋକଟି ଆଡ଼େ କେତେକ କ୍ଷଣ ଚାହିଁଲା । ତହିଁପରେ ତା ମୁଣ୍ଡରୁ ଖସିପଡି଼ଥିବା ମୁକୁଟଟି ତାକୁ ପିନ୍ଧେଇ ଦେଇ ସ୍ନେହବୋଳା ଦୃଷ୍ଟିରେ ଅନେଇ ଅନେଇ ସେହି ଦର୍ପଣ ମଧ୍ୟରେ ପଶିଗଲା । 


ରାଜା ହଠାତ୍ ଚମକି ପଡି଼ଲେ। ସେ ଦର୍ପଣ ପାଖକୁ ଦୌଡି଼ଗଲେ ଆଉ ତା ଭିତରେ ଦେଖିବାକୁ ଲାଗିଲେ । ସେଥିରେ ସେ ଏବେ ସ୍ଵୟଂକୁ ମୁକୁଟ ପିନ୍ଧି ଛିଡା଼ ହୋଇଥିବାର ଦେଖିବାକୁ ପାଇଲେ ।


(ଲେବାନନ୍'ର ପ୍ରସିଦ୍ଧ ଲେଖକ ଖଲୀଲ୍ ଜିବ୍ରାନ'ଙ୍କର ଏକ କ୍ଷୁଦ୍ରଗଳ୍ପ “ଦ ଗ୍ରେଟର୍ ସେଲ୍ଫ୍”ର ଓଡ଼ିଆ ଭାବାନୁବାଦ !)



Rate this content
Log in