ତୁ ଆସ ,ଆସୁଥା

ତୁ ଆସ,ଆସୁଥା ତୁ

ଶିଶୁର ହସରେ,କିଶୋରର ଉନ୍ମାଦନାରେ

ଯୌବନ ର ଶିହରଣରେ,ପୌଢ ର ଧାର୍ମିକ

ଚେତନା ନେଇ ।

ତୁ ଆସ, ଆସୁଥା ତୁ,

ଫେରିବାଲା ର ଟୋକେଇରେ

ରଙ୍ଗ ବେରଙ୍ଗର ସମ୍ଭାବନାକୁ ନେଇ ।

ତୁ ଆସ, ଆସୁଥା ତୁ

ସାଧବ ପୁଅର ବୋଇତ ମେଲି

ଅସଂଖ ପ୍ରତିଶ୍ରୁତିର ପଣ୍ୟ କୁ ଧରି ।।

ତୁ ଆସ, ଆସୁଥା ତୁ

ଆଖିରେ ଆଖିଏ ସପନ ଧରି

ବଞ୍ଚି ଯିବି କିଛିଦିନ ଆଶାକୁ ବାନ୍ଧି ।

ତୁ ଆସ, ଆସୁଥା ତୁ

ଦୂର ଦିଗବଳୟ ର ବନ୍ଧନ ତେଜି

ହସି ଉଠୁ ଧରାବକ୍ଷ ଇନ୍ଦ୍ରଧନୁ ର ରଙ୍ଗ ନେଇ ।

ତୁ ଆସ ,ଆସୁଥା ତୁ

କୃଷକର ହାଡୁଆ ଗାଲ ର ନାଲି କସ ଦାନ୍ତରେ

ଅର୍ଦ୍ଧ ଲଙ୍ଗଳା ତା ଝୁମ୍ପୁଡି ପିଣ୍ଡାରେ ।

ତୁ ଆସ, ଆସୁଥା ତୁ

2019 ପାଲିଙ୍କିରେ ଶୁଭକାମନାର ,ସୁଖର

ଆନନ୍ଦର,ହସର ,ଆଶୀର୍ବାଦର ବର୍ଷ ନେଇ ,

ଭିଜି ଯାନ୍ତୁ, ହଜି ଯାନ୍ତୁ ,ମଜି ଯାନ୍ତୁ,ସର୍ବେ

ତୋରି ବାର ମାସ ର ପାଖୁଡ଼ା ଭିତରେ ,,,,,

ସୁସ୍ଵାଗତମ ତୁ ଆସ ,ତୁ ଆସୁ ଥା

କବିର କଳ୍ପନାରେ ଶବ୍ଦର ଛନ୍ଦ ରେ

ପରଶ ମଣି ଟେ ତୁ ଛୁଇଁ ଯା ହୃଦୟରୁ ହୃଦୟକୁ,,,,,,ତୁ ଆସ

ପରେଶ ଚନ୍ଦ୍ର ଦାସ

ଗୋପାଳପୁର, ଭୋଗରାଇ, ବାଲେଶ୍ୱର