ସୃଷ୍ଟିର ସୁନ୍ଦର ରଚନା
ସୃଷ୍ଟିର ସୁନ୍ଦର ରଚନା
ପରିବାର,
ସୃଷ୍ଟିର ସବୁଠୁ ସୁନ୍ଦର ରଚନା,
ପତି, ପତ୍ନୀଙ୍କର ଅଖଣ୍ଡ ବିଶ୍ୱାସ,
ଯେଉଁ ଦୀପକୁ ଚିରନ୍ତନ ଜଳାଇ ରଖେ,
ଭଲପାଇବାର ରେଶମୀ ଡୋରି
ଯେଉଁଠି ମା', ବାପା, ପିଲାଙ୍କୁ ଏକାଠି ବାନ୍ଧି ରଖେ l
ଏକ ମଣିଷର, ଅନ୍ୟ ମଣିଷ ପାଇଁ
ସମ୍ପୂର୍ଣ ଦାଇତ୍ୱବୋଧର ଶିକ୍ଷା,
ସ୍ନେହ, ପ୍ରେମ ଓ ବନ୍ଧନର ଅପୂର୍ଵ ସମନ୍ଵୟ,
ପରିବାରରୁ କେବଳ ଆରମ୍ଭ l
ପରିବାର, ଏକ ସୁସ୍ଥ ଭିତ୍ତିପ୍ରସ୍ତର,
ଯାହା ଧନ, ମାନ, ଯଶ, ଗୌରବ କେବେବି କରିପାରେନି,
କିନ୍ତୁ, ପରିବାରର ପ୍ରତେକଙ୍କ ଆସକ୍ତିର କରେ ତାକୁ ଦୃଢ l
ସମୟର କଷା ଘାତ,
ସେ ପରିବାରର ମୂଳଦୁଆ ହଲାଇ ପାରେନି,
ଯାହା ଶାନ୍ତି, ପ୍ରେମ, ପରସ୍ପର ପ୍ରତି ସମ୍ମାନରେ ବନ୍ଧା ହୋଇଥାଏ l