ସନ୍ଧ୍ୟା

ସନ୍ଧ୍ୟା ଗୋ ତୁମେ ପାଦ ଚାପି ଆସ

ଛାଇ ଅନ୍ଧାର ସାଥିରେ l

ଝିପ୍ ଝିପ୍ ବର୍ଷା ସାଥିରେ ତୁମର

ଦେହଟାକୁ ଓଦା କରେ ll

ଦୂରଦିଗ୍-ବଳୟେ ଚପଳା ଚଞ୍ଚଳେ

ଚିକ୍ ଚିକ୍ ଆଭା ତୋଳେ l

ଆସ୍ତାଚଳେ ରବି ଧୀର ଗତି କରି

ଯାଉଛନ୍ତି ମାଆ କୋଳେ ll

ଚକୋର-ଚକୋରି ଉଚ୍ଚେ ରାବକରି

ଫେରୁଛନ୍ତି ନିଜାଳୟେ l

ପୂରୁବଆକାଶେ ଇନ୍ଦ୍ରଧନୁ ଶୋଭା

ଜନ ମନ ହରିନିଏ ll(ପ୍ରତିଭାତ ହେଉଥାଏ )

ସନ୍ଧ୍ୟାରଙ୍ଗଣୀର ମହମହ ବାସ୍ନା

ତନୁ ମନ ପୁଲକାଏ l

ମନ୍ଦିରେ ମନ୍ଦିରେ ଆଳତୀ ତାଳରେ

ଶଙ୍ଖ ଘଣ୍ଟା ବାଜୁଥାଏ ll

ବୃନ୍ଦାବତୀ ମୂଳେ କୂଳବଧୂମାନେ

ସନ୍ଧ୍ୟା ଧୂପ ଦୀପ ଜାଳି l

ସଂସାର ସୁଖକୁ ମାଗିବସିଥାନ୍ତି

କରପତ୍ର କୃତାଞ୍ଜଳି ll

ବ୍ରାହ୍ମଣ ଗୃହରୁ ବେଦଧ୍ୱନି ଶୁଭେ

ମନ୍ଦିରୁ ପ୍ରାର୍ଥନା ସ୍ୱର l

ଭାଗବତ ଘରେ ହରିଙ୍କର ଗାଥା

ପାଠ ହୁଏ ନିରନ୍ତର ll

ସନ୍ଧ୍ୟା ଗୋ ସତେ ଅପରୂପା ତୁମେ

ତୁଳନା ନାହିଁ ତୁମର ll

ଅପୂର୍ଵ ଶୋଭାକୁ କୋଳେ ଧରି ତୁମେ

ମର୍ତ୍ତ୍ୟରେ ତୋଳିଛ ଘର ll

ଜୟ ଶ୍ରୀରାଧେକୃଷ୍ଣ......