ସମ୍ପର୍କର ନଦୀ

ସମ୍ପର୍କର ନଦୀ କହୁଅଛି ଭାଇ

ଆସ ଆସ ପ୍ରିୟଜନ,

ଏ ମୋର ସ୍ରୋତରେ ମିଶି ଚାଲୁଥିବା

ରହିକି ଚୀରଦିନ।

ମୋ କୂଳ ପାଖକୁ ଆସ ଥରେ ଧାଇଁ

ଶୁଣ ବାରେ ମୋ ବଚନ,

ଭାବର ବନ୍ଧନେ ବାନ୍ଧି ରହିଥିବା

ଦେଖି ନୂଆ ସପନ।

ରାଗ, ରୋଷ,ମୋହ, ଅହଂକାର ତ୍ୟାଗି

ଥିବା ସମ୍ପର୍କର ଘରେ,

ପ୍ରିୟଜନ ସଙ୍ଗେ ମିଳାପ କରିବା

ସାହାଯ୍ୟ କରି ସେ ବନ୍ଧୁ ସହୋଦରେ।

ଅନାଇ ଦେଖ ସେ ବଡ଼ ଦେଉଳକୁ

କେଉଁ ଯୁଗୁ ଅଛନ୍ତି ଦୁଇ ଭାଇ,

ହସ ,ଖୁସିରେ ସଂସାର ଚଳାନ୍ତି

ହିଂସା, କ୍ରୋଧ ଭୁଲି ଯାଇ।

ଆସ ଆସ ସବେ ମଶି ରହିଥିବା

ଅତୀତର କଥା ଭୁଲି

ସବୁ ଦୁଃଖ,କଷ୍ଟ ଦୁରେଇ ଯିବ

ରହିଥିବା ହସି ଖେଳି।