ସମ୍ପର୍କ ହେଲାଣି ନିଥର

ସମ୍ପର୍କଟା ଏବେ ହେଲାଣି ନିଥର

ନାହିଁ ସ୍ନେହ ପ୍ରୀତି ଛିଟା

ଫୋନ୍ ରେ ହୁଏ ସମ୍ପର୍କ ସଉଦା

ହୁଏ ସ୍ନେହ ପ୍ରୀତି ବଣ୍ଟା ।

ନବ ବଧୁଟିଏ ଓଢ଼ଣା ଟାଣି

ପାଣିଢାଳ ଧରି ଅତିଥି ମାନଙ୍କୁ

ପାଛୋଟି ନିଏନି ଆଉ

ଦୋଳଯାତ କିମ୍ବା ପର୍ବ ପର୍ବାଣିରେ

ଘରେ ବନ୍ଧୁ ଙ୍କ ଗହଳି

ଲାଗେନାହିଁ ହାଉ ଯାଉ ।

ଉଡାଣ୍ ରେ ଏବେ ସମସ୍ତେ ବ୍ୟସ୍ତ

ସମୟ ନାହିଁ କାହାର

ଲାଗୁଛି ଯେମିତି ସମ୍ପର୍କଟା ଏବେ

ପାଲଟିଛି ଘୋଡା ବେପାର।

ଏହିପରି ଯଦି ସମ୍ପର୍କର ନାଆ

ବିନା ଆହୁଲାରେ ଚାଲିବ

ଧନ ଦଉଲତ ସବୁଥିବ ପାଖେ

ହେଲେ ବନ୍ଧୁ କେହି ପାଖେ ନଥିବେ ।