ଶ୍ରୀପୟରେ ଦିଅ ସ୍ଥାନ

ନଇବେଦ୍ୟ ଥାଳି ସଜାଡି ରଖିଛି

ତୁମ ପଦ ପୂଜା ପାଇଁ

ଥରୁଟିଏ ତାକୁ ଗ୍ରହଣ କରହେ

ପ୍ରଭୁ ବ୍ରହ୍ମାଣ୍ଡ ଗୋସାଇଁ ।

ସେ ଥାଳିରେ ଅଛି ମୋ ହୃଦୟର ଅର୍ଘ୍ୟ

ଆତ୍ମାର ଚନ୍ଦନ ଟିପା

ତୁମ ଶ୍ରୀ ପୟରେ ଲାଗି କରିଦେଲେ

ମନୁ ଛାଡି ଯିବ ଦକା ।

ଯାହା ଅଛି ସବୁ ସଅଁପି ଦେଲି ମୁଁ

ତୁମ ଶ୍ରୀପୟର ତଳେ

ଲୋଡା ମୋର ଖାଲି ତୁମ ଦରଶନ

ଜୀବନର ଶେଷ ବେଳେ ।

ତୁମେ ତ ବିଧାତା ଗତି ମୁକ୍ତି ଦାତା

ସବୁତ ତୁମର ଖେଳ

ଦିଅ ଟିକେ ସ୍ଥାନ ତୁମ ଶ୍ରୀପୟରେ

ଏତିକି ମୋ ନିବେଦନ ।