ଶାଶ୍ଵତ ପ୍ରେମ
ଶାଶ୍ଵତ ପ୍ରେମ
ପ୍ରେମ ଏକ ସ୍ମୃତି
ନିତି ନିତି ହସୁଥାଏ ,
ମନେ ଭରି ପ୍ରୀତି ।୧।
ପ୍ରେମ ଏକ ନୀତି
ବଦଳାଇ ଦେଇପାରେ ,
ସବୁ ପରିସ୍ଥିତି ।୨।
ପ୍ରେମ ଏକ ମାୟା
ଅନାଦର ହୋଇଥାଏ,
ମନୁଷ୍ୟର କାୟା ।୩।
ପ୍ରେମ ଏକ ଭାବ
ମନ ମନ ମିଶିଗଲେ ,
ନ ରହେ ଅଭାବ ।୪।
ପ୍ରେମ ଏକ ଘର ...
ହୃଦୟରେ ଗଢ଼ି ଗଲେ ,
ହୁଏ ତା' ମନ୍ଦିର ।୫।
ପ୍ରେମ ଏକ ଝର ...
ଶୁଭୁଥାଏ ଖାଲି ସେଠି ,
ବଇଁଶୀର ସ୍ବର ।୬।
ପ୍ରେମ ଏକ ଭାଷା ...
ମିଠା କଥା ଗନ୍ତାଘର ,
ନଥାଏ ନିରାଶା ।୭।
ପ୍ରେମ ଏକ ଧନ ...
ସେଇ ଧନ ପାଇବାକୁ ,
ଲୋଡ଼ା ଖାଲି ମନ ।୮।
ପ୍ରେମ ଏକ ଶକ୍ତି ...
ଅନ୍ତରରେ ଭିଜି ଗଲେ ,
ମନ ଲଭେ ଶାନ୍ତି ।୯।
ପ୍ରେମ ଏକ ଭକ୍ତି
ରାଧାକୃଷ୍ଣ ପରି ହେଲେ ,
ସବୁ ହୁଏ ପ୍ରାପ୍ତି ।୧୦।
ପ୍ରେମ ଏକ ସୂର୍ଯ୍ୟ
ଯହିଁରେ ନଥାଏ କେବେ ,
ବାସନାର ବୀର୍ଯ୍ୟ ।୧୧।
ପ୍ରେମ ଏକ ସତ୍ୟ
ଶ୍ୟାମ ଆଉ ମୀରା ପରି ,
ଅମର ଶାଶ୍ଵତ ।୧୨।
ସେଇ ପ୍ରେମ ପାଇବାକୁ ,
ଧର୍ମ ପଥେ ଚାଲୁ ଥିବୁ ,
ବଞ୍ଚିବୁ ତୁ ଯେତେ ଦିନ ,
କୃଷ୍ଣ ପ୍ରେମେ ମଗ୍ନ ହେବୁ ।୧୩।
ଜୀବନର ଜଞ୍ଜାଳରୁ ,
ହାରିବୁନି କେବେ ତୁହି ,
ଶ୍ୟାମ ଘନ ସଙ୍ଗେ ଥିଲେ ,
ବୋଝ ତୋର ନେବେ ବୋହି ।୧୪।
ଏଇ ତ ଶାଶ୍ଵତ ପ୍ରେମ ,
ପୂର୍ଣ୍ଣ ହୁଏ ମନସ୍କାମ ,
କୃଷ୍ଣ ନାମ ବଦଳରେ ,
ନେଲେ ତା ପ୍ରେମିକା ନାମ ।୧୫।
ବିଶ୍ବ ଭାରତୀ ଦାଶ