ସାନ୍ତାକ୍ଳସ୍

ଆସଆସ ପିଲେ ହାପି ମେରିଖ୍ରୀଷ୍ଟମାସ୍ l

ସ୍ୱର୍ଗ ରାଇଜୁ ଆସିଛି ଚାଚା ସାନ୍ତାକ୍ଲସ୍ l

ଲମ୍ବା ଧଳାଦାଢ଼ି ମୁଣ୍ଡେ ନାଲିଆ ପଗଡ଼ି l

ଲାଲ କୁର୍ତ୍ତା, ଚପକନ ପିନ୍ଧି ଅଛି ଭିଡ଼ି l

ନାନାଜାତି ଉପହାର ମିଠା,ଚକୋଲେଟ l

ହାତୀ,ଘୋଡ଼ା,ବାଘ,ଭାଲୁ,ଚିପ୍ସ,କଟଲେଟ l

ଈଶ୍ୱର ସୁନ୍ଦର ସୃଷ୍ଟି ହେ କୁନି କଳିକା l

ଈଶ୍ୱରଙ୍କ କାର୍ଯ୍ୟକର ଧ୍ୟାୟି ତାଙ୍କୁ ଏକା l

ଆସ ଆସ ପିଲେ ବାଣ୍ଟି ନିଅ ଉପହାର l

ବଡ଼ ହୁଅ ଭଲ ବିଦ୍ୟା ସାଧି ନିରନ୍ତର ।

ପର ଉପକାରେ ସଦା ରଖି ଥାଅ ମତି l

ଗୁରୁ ଗୁରୁଜନେ ସଦା କରୁ ଥିବ ଭକ୍ତି l

ମିଥ୍ୟା କୁବଚନ କେବେ ମୁଖେ ନକହିବ l

ବିନୟ ବଚନେ ଜନ ମନ ତୋଷୁଥିବ l

ଚଞ୍ଚଳ ସତର୍କ ସଦା ତେଜିବ ଆଳସ୍ୟ l

ସଦା ଧ୍ୟାନେ ରଖିଥିବ ପ୍ରଭୁ ଜଗଦୀଶ l

ପିଲାଏ ଦେଖାହୋଇବ ଆସନ୍ତା ବରଷ l 

ମନେ ରଖିଥିବ କଥା ଚାଚା ସାନ୍ତାକ୍ଳସ୍ l