ସାହିତ୍ୟର ପ୍ରଥମ ପ୍ରେରଣା

ଗପ ଗୀତ ଏକାଙ୍କିକା ସାହିତ୍ୟ ଅନେକ

ଦିନ ରାତି ପଢିବାରେ ଥିଲା ମୋ ସଉକ

ଜ୍ଞାନ ଆହରଣ ସହ ମୋ ମନୋରଞ୍ଜନ

କରୁ ଥିଲା ଯେତେ ସବୁ ଏଇ ଉପାଦାନ।

ପଢାପଢି ସହ କିଛି ଲେଖିବାର ଇଚ୍ଛା

ମୋତେ ଇଚ୍ଛା ହେଉଥିଲା ଲେଖିବି କବିତା।

ଏଥି ପାଇଁ ମୋ ପ୍ରେରଣା ଥିଲେ ମୋ ଭଉଣୀ

ହାତରେ କଲମ ଆଉ ପ୍ରୋଚ୍ଛାହନ ଆଣି।

ଅସଜଡା ଭାବ ଭାଷା ସଜାଡି ରଖିଲେ

ବନାନ ଅଶୁଦ୍ଧି ଦେଖି ତାକୁ ସଜାଡିଲେ।

ଧିରେ ଧିରେ ଲେଖନୀ ମୋ ପରିପକ୍ବ ହେଲା

ଭାବ ଭାଷା ଅକ୍ଷରରେ ସଜଡା ହୋଇଲା।

ପ୍ରଥମ ଶିକ୍ଷାକୁ ମୋର କରି ଉତ୍ସାହିତ

ଗଠନମୂଳକ କଲେ ମୋହରି ସାହିତ୍ୟ।