ସାଧୁ ସାବଧାନ

ଏତ ଘୋର କଳିକାଳ ହୋ'....

ସାଧୁ ହୁଅ ସାବଧାନ - ଏତ....

ତୋଷାମଦିଆଙ୍କ ଖୋସାମତ କ୍ରମେ

ଚାଲୁଛି ନୀତି ନିୟମ ।

ଜ୍ଞାନୀ ଗୁଣୀ ଜନ ନପାଏ ସମ୍ମାନ

ସତ୍ୟ ମାଳିକା ବଚନ

ମନ୍ତ୍ରୀ ସେନାପତି ଦରବାରୀ ଯେତେ

ହୁଅନ୍ତି କ୍ଷମତା ଶୁନ୍ୟ ।

ଚାଟୁକାର ଏଠି ପରାମର୍ଶଦାତା

ଦିଅନ୍ତି ସେ ପ୍ରବଚନ

ଗୁଣ ଗରିମାର ମିଳେନାହିଁ ମୂଲ

ଫିକା ପଡ଼ିଯାଏ ଜ୍ଞାନ ।

କ୍ଷୀର ନାହିଁ ଜମା ଗୋଳିଆ ପାଣିରେ

ସର ପଡେ ଘନଘନ

ଅଳ୍ପବିଦ୍ୟା ଅତି ଭୟଙ୍କର ବୋଲି

ଲେଖିଛି ଶାସ୍ତ୍ର ପୁରାଣ ।

ମାଲିସ ପାଲିସ ସାଲିସର ବଳେ

ବହେ ଦକ୍ଷିଣା ପବନ

ବିରାଡ଼ି ବୈଷ୍ଣବ ଧର୍ମ ଅବତାର

ମାଳା ଜପେ ରାତିଦିନ ।

ଚଟୁତ ଆମିଷ ବେଣ୍ଟ ନିରାମିଷ

ଭାଷେ ମଧୁର ବଚନ

ନାଲିସ କାର୍ଯ୍ୟରେ ପୂର୍ଣ୍ଣ ସିଦ୍ଧହସ୍ତ

ସତ୍ୟ ଚାକ୍ଷୁଷ ପ୍ରମାଣ ।