ଛକା ପଞ୍ଛାର ଖେଳ ଏ ଜୀବନ
ଛକା ପଞ୍ଛାର ଖେଳ ଏ ଜୀବନ
1 min
159
ଜୀବନଟା ଏକ ଲୁଚକାଳି ଖେଳ
କିଏ ଜିତେ କିଏ ହାରେ
କିଏ ପୁଣି ଏଠି ନେପଥ୍ୟେ ନାୟକ
ସମୟର ନଈ ଧାରେ ।
ଛାଇ ଆଲୁଅର ଛକା ପଞ୍ଛା ଖେଳ
ଏଇ ଜୀବନ ନାଟକ
କିଏ ସେ ଦର୍ଶକ କିଏସେ ଭାବୁକ
କିଏ ପୁଣି ନିର୍ଦ୍ଦେଶକ ।
ପାଣି ଫୋଟକା ଏ ନିମିତ୍ତ ଜୀବନ
ଆଜି ଅଛି କାଲି ନାହିଁ
ଖେଳ ସରିଗଲେ ନାଟ ସରିଯିବ
ସାକ୍ଷୀତ ମଶାଣି ଭୂଇଁ ।
ଜୁଇର ନିଆଁରେ ହୁତୁହୁତୁ ଜଳେ
ନାଟକର ଶେଷ ଅଙ୍କ
ଜିତିବା ହାରିବା ଖେଳର ନିୟମ
ଜୀବନର ମାନସାଙ୍କ ।