କସ୍ତୁରୀ ସନ୍ଧାନ
କସ୍ତୁରୀ ସନ୍ଧାନ
1 min
311
ମୃଗ ଯଦି ଜାଣିଥା'ନ୍ତା ନାଭିରେ କସ୍ତୁରୀ ଅଛି
କି'ପାଇଁ ଖୋଜନ୍ତା ତା'ର ବାସ
ସେ ସୁବାସ ପାଇଁ ଦିନେ ବିହିର ନିର୍ଦ୍ଦେଶ ବଳେ
ନେଇଥାଏ ଅନ୍ତିମ ନିଶ୍ବାସ ।
ଏମିତି ବି ଫୁଲ ଅଛି ବଣରେ ଫୁଟି ମଉଳେ
ଜାଣେନା ସମାଜ ତା' ଠିକଣା
କିଛି ବାସହୀନ ପୁଷ୍ପ ଚମକେ କୃତିମ ରଙ୍ଗେ
ପ୍ରକଟନ୍ତି ସଭି ମନ ଜିଣା ।
ମୃଗର ଅଜ୍ଞତା ସିନା ତା'ପାଇଁ ଯେ ହୁଏ କାଳ
ହାରିଦିଏ ଦୁର୍ଲଭ ଜୀବନ
ଉଦବେଳିତ କିଛି ଆଶା ନିରାଶାରେ ଭରିଯାଏ
ବିଧିର ଏ ବିଚିତ୍ର ନିୟମ ।
ଅବ୍ୟକ୍ତ ମନ ବେଦନା ଜଳିଜଳି ମନେ ମରେ
ଅଜ୍ଞାନ ନିଆଁରେ ଅହର୍ନିଶ
ତଥାପି କସ୍ତୁରୀ ମୃଗ ଆଶାର ସପନ ଦେଖେ
ଅଜ୍ଞତାକୁ କରିବ ବିନାଶ ।