ଦିବା ସ୍ବପ୍ନ
ଦିବା ସ୍ବପ୍ନ
1 min
1.0K
ସ୍ୱାଧୀନ ଦେଶର ସନ୍ତାନ ଆମେ
ଭାରତ ଆମର ମାଆ
ଅସହାୟ ଆମ ଜୀବନ ଜୀବିକା
ନାହିଁ ବଞ୍ଚିବାର ରାହା ।
ଦି'ଓଳି ଦି'ମୁଠା ମିଳୁନାହିଁ ଅନ୍ନ
ଧନ୍ୟ ଆମର ଜୀବନ
ତଥାପି ଛାତିରେ ହାତ ରଖି କହୁ
ଆମ ଭାରତ ମହାନ ।
କେତେ ନୀତିବାଣୀ ନିତି ଶୁଣିଶୁଣି
ଦେଖଇ ଦିବା ସପନ
ଧନୀ ଗରିବର ପାଚେରି ଭାଙ୍ଗିବ
ଆମ ଦେଶ ହେବ ଧନ୍ୟ ।
ମହାନତା ଆମ ଉଦାର ପଣିଆ
ପୋଡା ପୋଥି ବାଇଗଣ
ବାସ୍ତବର ରୂପ ଲାଗେ ଅବାସ୍ତବ
ହଜିଯାଏ ଚିହ୍ନବର୍ଣ୍ଣ ।
ଦିଗବିଜୟ ନାମେ ବିଜୟର ଧ୍ଵଜା
ଫରଫର ହୋଇ ଉଡେ
ଦୁଃଖର ଜୁଆର ବଟ୍ଟବୃକ୍ଷ ପ୍ରାୟେ
ଗୋଦର ସମାନ ମାଡ଼େ ।