ସ୍ୱାଧୀନ ଭାରତ

ଭାରତ ଦେଶ ସ୍ୱାଧୀନ ବୋଲି

ବିଶ୍ୱରେ ହୁରି ପଡୁଛି

ସ୍ୱାଧୀନ ଭାରତେ ନାରୀଟିଏ ଆଜି

ପରାଧୀନ ହୋଇ ରହିଛି

ସ୍ୱାଧୀନ ଭାରତେ ନାରୀଟିଏ ଆଜି

ଘୁରି ବୁଲିବାକୁ ଡରୁଛି

କେତେ ଭ୍ରୂଣହତ୍ୟା କେତେ ନାରୀହତ୍ୟା

ପ୍ରତିଦିନ ଏଠି ହେଉଛି

ଏସିଡି ମାଡ଼ରେ କିଏ କେଉଁଠାରେ

କଲବଲ ହୋଇ ସଢ଼ୁଛି

ଯୌତୁକ ଦାଉରେ କିଏ କେଉଁଠାରେ

ଛଟପଟ ହୋଇ ବଞ୍ଚିଛି

ଶଶୁର ଆଜି ରାକ୍ଷସ ସାଜି

ବୋହୁକୁ ଧର୍ଷଣ କରୁଛି

ରକ୍ଷକ ଏଠି ଭକ୍ଷକ ସାଜି

ନାରୀମାଂସ ଲୋଭି ହେଉଛି

ପାଞ୍ଚ ଛଅ ବର୍ଷର ଝିଅଟିଏ ବି

ଧର୍ଷଣ ଶିକାର ହେଉଛି

କେମିତି ବଞ୍ଚିବେ ସୁରକ୍ଷିତ ହେବେ

ନାରୀ ଜାତିରେ, ଭାଲେଣି ପଡିଛି

ସ୍ୱାଧୀନ ଭାରତେ ନାରୀଟିଏ ଆଜି

ଖେଳଣା ହୋଇ ଯାଇଛି

ତଥାପି ଆମେ ଗର୍ବରେ କହୁ

ଭାରତ ସ୍ୱାଧୀନ ହେଇଛି

ଯେଉଁଦିନ ନାରୀ ସୁରକ୍ଷିତ ହୋଇ

ସ୍ୱାଧୀନରେ ବଞ୍ଚିପାରିବ

ସେଇଦିନ ଠାରୁ ଆମରି ଭାରତ

ସମ୍ପୂର୍ଣ୍ଣ ସ୍ୱାଧୀନ ପାଇବ....

ହେ ଭାରତବାସୀ ଶପଥ କର

ନାରୀଙ୍କୁ ସମ୍ମାନ ଦେବ

ସମ୍ପୂର୍ଣ୍ଣ ସ୍ୱାଧୀନ ଭାରତ କୁ କରି

ସ୍ୱାଧୀନ ଦିବସ ପାଳିବ....