ପ୍ରକୃତ ବନ୍ଧୁ
ପ୍ରକୃତ ବନ୍ଧୁ
1 min
403
ଦୁଃଖରେ ସୁଖରେ ସବୁରି ଠାରେ
ଆସିଲେ ବିପଦ ଛାତିକୁ ପାରେ
ବନ୍ଧୁ ପାଇଁ ଲଙ୍ଘେ ସପତ ସିନ୍ଧୁ
ସେହି ଜଣକଟି ପ୍ରକୃତ ବନ୍ଧୁ।
ଆସିଥାଏ ଯେବେ ଦୁଃଖ କଷଣ
ସାଥି ଦିଏ ସିଏ ହୋଇ ପାଷାଣ
ଜଗତଟା ସାରା ନିନ୍ଦିଲେ ନିନ୍ଦୁ
ସାଥି ହୋଇ ରହେ ପ୍ରକୃତ ବନ୍ଧୁ।
ପରବ ପର୍ବାଣୀ ମହୋଚ୍ଛବରେ
ତା' ଖୁସି ଆଉ କହିଲେ ନ ସରେ
ତୁମ ଖୁସି ସହ ତା' ଖୁସି ବାନ୍ଧୁ
ମନ ମତାଣିଆ ପ୍ରକୃତ ବନ୍ଧୁ।
ଖୁସିରେ ହସଇ ଦୁଃଖରେ କାନ୍ଦୁ
ସାଥି ଚିରକାଳ ପ୍ରକୃତ ବନ୍ଧୁ।