ପ୍ରଭୁ ପାଦେ ମୋର ଅଳି

ଭାରି ଭଲ ଲାଗେ ଜେଜେଙ୍କର ମୁଣ୍ଡ

ଚିକ୍କଣଚିକ୍କଣ ଦିଶେ

ଅରୁଆଚାଉଳ ଗୋଟିଏରହେନି

ତଳକୁ ସେ ଖସି ଆସେ ।

ଠୁକୁଲୁ ଠୁକୁଲୁ ତବଲା ପରାଏ

ବଜାଏ ମୁଁ ଛୁଆବେଳେ

କଅଁଳ ହାତର ନରମ ପରଶ

ଜେଜେ ଶୋଇଯାନ୍ତି ଧୀରେ।

ନାଣ୍ଡୁ ବୋଲି ଜେଜେ ତାଙ୍କ ମାଆ କାଳେ

ଜେଜେଙ୍କ ନାମ ରଖିଥିଲେ ନାଣ୍ଡି

ଏହି କଥା ସିଏ କହୁ କହୁ ମୋତେ

ଖୁସିରେ ପକାନ୍ତି କାନ୍ଦି ।

କଥାରେ କହନ୍ତି ନାଣ୍ଡୁ ଲୋକମାନେ

ହୋଇଥାନ୍ତି କାଳେ ଜ୍ଞାନୀ

ମୋ ଜେଜେବି ଜଣେ ଜ୍ଞାନବାନ ବ୍ୟକ୍ତି

ଆଉ ପୁଣି ଅଭିମାନୀ।

ଦୁଃଖୀ ଲୋକଙ୍କର ସେବା ସେ କରନ୍ତି

ଆପଣା ଦୁଃଖକୁ ଭୁଲି

ତାଙ୍କ ପରି ଜେଜେ ମିଳନ୍ତୁ ସଭିଙ୍କୁ

ପ୍ରଭୁ ପାଦେ ମୋର ଅଳି ।