ପଞ୍ଚକ

ବର୍ଷ ମଧ୍ୟେ ଶ୍ରେଷ୍ଠ କାର୍ତ୍ତିକ ମାସଟି

ଓଷା ମଧ୍ୟେ ଶ୍ରେଷ୍ଠ ପଞ୍ଚକ

ଏହି ପାଞ୍ଚ ଦିନ ଆମିଷ ନଖାଇ

ବଗ ବି ହୁଅଇ ଧାର୍ମୀକ ।

ଏହି ପାଞ୍ଚ ଦିନ ଚଉରା ମୂଳରେ

ଲଗାଇ ଆକାଶ ଦୀପ

ଘରର ଘରଣୀ ମୁଣ୍ଡିଆଟେ ମାରି

କରିଥାଏ ମାନସିକ ।

ବଡି ଅନ୍ଧାରରୁ ସ୍ନାହାନ କରିଣ

ମୂରୁଜ ପକାଇ ଚଉରା ମୂଳେ

ଶିବଙ୍କ ମନ୍ଦିରେ ମଙ୍ଗଳ ଆଳତୀ

ଦେଖିଦେଲେ ଥରେ ଏ ବେନି ଡୋଳେ

ସବୁ ଦୁଃଖ କଷ୍ଟ ଦୂର ହୋଇଯାଏ

ହୃଦୟରେ କେତେ ଆନନ୍ଦ ଖେଳେ ।

ଶାସ୍ତ୍ରରେ ବର୍ଣ୍ଣିତ କାର୍ତ୍ତିକ ମାସରେ

ଦରଶନ କଲେ ତିନି ଠାକୁର

ସବୁଜନ୍ମ ପାପ ହୋଇଯାଏ ଦୂର

ମିଳିଥାଏ କାଳେ ପୂଣ୍ୟ ଅପାର ।