ଫେରିଆସ ଶ୍ୟାମଘନ
ଫେରିଆସ ଶ୍ୟାମଘନ
ଝୁରୁଅଛି ଗୋପ ଝୁରୁଛି ମଥୁରା
ଝୁରେ ଆଜି ବୃନ୍ଦାବନ
ଝୁରେ ରାଧାରାଣୀ ଝୁରେ ଗୋପାଳୁଣି
ଝୁରୁଛି କଦମ୍ବ ବନ ।
ଝୁରୁଛି ଯଶୋଦା ଝୁରୁଛନ୍ତି ନନ୍ଦ
ଝୁରେ ସାଙ୍ଗ ସାଥୀ ମେଳ
ଝୁରନ୍ତି ଯେତେକ ଗୋପର ବାଳକ
ଝୁରଇ ଯମୁନା କୁଳ ।
ଝରାଫୁଲ ସମ ମଉଳି ପଡିଛି
ଯଶୋଦା ମା' ର ମନ
ଝୁରି ଝୁରି ନିତି ଲୋତକ ଝରାଏ
କେବେ ଫେରିବ ତା ଶ୍ୟାମଘନ
ଝରୁଥିବା ଫୁଲ ଝୁରୁଥିବା ଆତ୍ମା
ସବୁ ହୋଇଲାଣି ବାସୀ
ଝୁରଇ କଦମ୍ବ ମାଳତୀ ର କୁଞ୍ଜ
ଶ୍ୟାମଘନକୁ ନ ଦେଖି ।
କେବେ ଫେରିବ ତା' ନୟନର ମଣି
କେବେ ଫେରିବ ତା' ଶ୍ୟାମଘନ
ଝୁରୁଥିବା ଆତ୍ମା ଶୀତଳ ହୋଇବ
ଫେରିଆସ ଶ୍ୟାମଘନ ।
ମମତା ମଞ୍ଜରୀ ଦାସ ,କଟକ