ପାର୍ବଣ ଆସିଛି
ପାର୍ବଣ ଆସିଛି
ପାର୍ବଣ ଆସିଛି, ମରତ ହସୁଛି
ମାଆଙ୍କର ଆଗମନ
ନାନା ଜାତି ଫୁଲ ଫୁଟି ଉପବନ
ଦିଶୁଅଛି ସୁଶୋଭନ ।
ନିର୍ମଳ ଦିଶଇ ନୀଳ ଆକାଶରେ
କୁଆଁର ପୁନେଇଁ ଜହ୍ନ
ଶୁଭ୍ର କାଶତଣ୍ଡି ଚାମର ହଲାଇ
ମାଆଙ୍କୁ କରେ ବନ୍ଦନ ।
ଭ୍ରମରି ବଜାଏ କୁସୁମ ବାଲ୍ଲକି,
ଗାଏ ହଳଦୀ ବସନ୍ତ
ଗାଉଛି ଝିଙ୍କାରି ମଙ୍ଗଳ ମହୁରୀ,
କୁମ୍ଭାଟୁଆ ମାଙ୍ଗଳିକ ।
ସିଂହ ବାହାନରେ ଆସୁଛନ୍ତି ମାଆ
ପୁଲକିତ ହୁଏ ମହୀ
ବରଷକେ ଥରେ ଓହ୍ଲାନ୍ତି ମର୍ତ୍ତ୍ୟରେ
ନବଦିନ ପୂଜା ପାଇଁ ।
ବିରକାହାଳି ଓ ମନ୍ତ୍ର ଧ୍ଵନୀ, ଘଣ୍ଟ,
ଶଙ୍ଖ, ବାଦ୍ୟ, ନିନାଦିତ
ସୂ ସ୍ୱାଦୁ, ସୁଗନ୍ଧ, ଦ୍ରବ୍ୟରେ ମାଆଙ୍କୁ
କରିବେ ସର୍ବେ ସ୍ବାଗତ ।
ଶ୍ରଦ୍ଧା, ଭକ୍ତି, ଭାବ ରସରେ, ମାଆଙ୍କ
ଷୋଡଷ ପଚାରେ ପୂଜା
ଆନନ୍ଦିତ ମନେ ଉତ୍ସବ ପାଳନ୍ତି
ସକଳ ଜନ ପରଜା ।
ଗ୍ରାମ, ଓ ସହର ଆନନ୍ଦ ମୁଖର
ମାଆ ଆସୁଛନ୍ତି ବୋଲି
ଅସୁର ସଂହାରି ମାତ ଶାକମ୍ବରି
ରକ୍ଷାକର ବସୁନ୍ଧରି ।