ପାଚିଲା ପତ୍ର

ପତ୍ର ପରିପକ୍ୱ ହେଇଗଲେ

ଗଛର ଅଦରକାରୀ ହୋଇଯାଏ

ଗଛ ଆଉ ବୋହିପାରେନି ତା ବୋଝ

ବିଚରା ପତ୍ରକୁ ଖସେଇଦିଏ

ନିଜ ଭାଗ୍ୟ ଆଦରି

ଭୂ-ପତିତ ହୋଇଯାଏ

କଅଁଳିବା ବେଳେ ଜାଣିନଥିଲା

ଗଛ ବଢିବା ଲାଗି ତାକୁ

ଗଛଠୁ ଛେଦି ହେବାକୁ ପଡିବ

ତାର ବି ଆଉ ସାମର୍ଥ୍ୟ କାହିଁ

ନୂଆ ଜୀବନ ପାଇବ

ଅପେକ୍ଷା କରି ରହିବ

ସେ ସମୟକୁ

ସେ ଅଣୁଜୀବମାନଙ୍କୁ

ତାକୁ ଅପଘଟନ କରିବାକୁ

ମାଟି ଏମିତି ବିଷାକ୍ତ ଯେ

ଅଣୁଜୀବ ବି ମିଳୁନଥିବେ

ତା ତରୁ ଠୁ ବିଛେଦର

ବିରହରୁ ମୁକ୍ତି ଦେବାକୁ

ପଡି ରହିଥିବ ଭାଗ୍ୟ ଆଦରି..॥