ନପୁଂସକ
ନପୁଂସକ
1 min
397
କେବେ ବନ୍ଦ କରିବ
ତୁମ ଆକାଂକ୍ଷିତ ରାମ ରାଜ୍ୟରେ
ନିଜେ ହିଁ ରାବଣ ସାଜି
ଶହ ଶହ ସୀତାଙ୍କର ସତୀତ୍ୱକୁ
ହରି ନେବାର ଖଳ ଚକ୍ରାନ୍ତ ?
କୋମଳ ନାରୀତ୍ବକୁ
କ୍ଷଣିକ ଆତ୍ମସନ୍ତୋଷ ପାଇଁ ତୁମ ବଳିଷ୍ଠ
ପାଦ ତଳେ ଦଳି ଦେଇ
ଅଣନିଶ୍ୱାସୀ କରି ଚାଲିଥିବ ।
ସେ ପାଇଥାଉ କୁମାରୀତ୍ବ
ଅବା ନ ପାଇ ଥାଉ
ତୁମେ ବା କ'ଣ ପାଇଁ କରିବ
ସେସବୁର ବିଚାର ।
ତୁମର ତ ଲକ୍ଷ୍ୟ ଖାଲି
ହୀନ ଅଭିଷ୍ଠକୁ ପୂର୍ଣ୍ଣ କରିବାର ।
ପୁଣି କୁହ ତମେ ନିଜକୁ ପୁରୁଷ !
ଯଦି ଏଇ ତମ ପୁରୁଷତ୍ୱ
ତେବେ ଧିକ୍ ତମ ପୁରୁଷ ପଣକୁ ।
ମୋ ଜାଣିବାରେ ତମେ ତ
କେବେ ହେଲେ ପୁରୁଷ ହୋଇନ ପାର ।
ବରଂ କାମନାର କରାଳ କବଳେ
ନିଜର ପୌରୁଷତ୍ୱ ହରେଇଥିବା
ତୁମେ ଗୋଟେ ଅସହାୟ ନପୁଂସକ ।