ମୋ ବାପା

ଯାହା ହାତ ଧରି ମୁହିଁ ଚାଲିବା ଶିଖିଲି

ଭାବ ଆଉ ଭାଷା ସବୁ ଅଭ୍ୟାସ ମୁଁ କଲି

ଯିଏ ମୋ ମଥା ଉପରେ ବିଜୟର ଟିପା

ସିଏ ଆଉ କେହି ନୁହେଁ, ସିଏ ମୋର ବାପା।

ଯାହାଙ୍କ ସ୍ନେହ ସରାଗ ଆପଣାଏ କୋଳେ

ଆଦର୍ଶ ଯାହାର ନେଇ ଭବିଷ୍ୟତ ଭାଳେ

ଯାହାଙ୍କର ପ୍ରେରଣାରେ ସଫଳତା ମପା

ଅତୁଳନୀୟ ସେ ବ୍ୟକ୍ତି, ସିଏ ମୋର ବାପା।

ଯାହାକୁ ଦେବତା ସହ କଳନା ହୁଏନା

ବାପ ଥିଲେ ଛୁଆ ପରା ସଭାରେ ହାରେନା

ଯାହାପାଇଁ ପ୍ରେମ ଭକ୍ତି ନୁହେଁ ମପାଜୁପା

ଦେବତା ଠାରୁ ବି ବଡ, ସିଏ ମୋର ବାପା।

ଯାହା ପାଇଁ ନାଆଁ ମୋର, ସଂଜ୍ଞା ମୋର ଜପା

ସରଗଠୁ ବଳି ସିଏ, ସିଏ ମୋର ବାପା।