ମମତାମୟୀ ମାଆ

ନାରୀର ଅନ୍ୟ ନାମ ମାଆ

ସ୍ନେହ ପ୍ରେମ ମମତାର ହିମାଳୟ ପରି ସିଏ

ଦୁଃଖ କ୍ଳେଶ ଯନ୍ତ୍ରଣାକୁ ଲୁହ କରି ପିଇଯାଏ

ଛାତିରେ ଛାତିଏ କୋହ ନିରବରେ ସହିଯାଏ

ବିଶାଳ ଧରିତ୍ରୀ ସର୍ବଂସହା ।

ସୃଷ୍ଟିର ପ୍ରାରମ୍ଭ ସେ'ଯେ କରୁଣାର ମଉସୁମୀ

ଅନନ୍ତ ନୀଳ ଆକାଶ, ସାଗରର ବେଳାଭୂମି

ଆଷାଢର ମନ୍ଦବୃଷ୍ଟି, ସରଗର ମନ୍ଦାକିନୀ

ନିସ୍ତେଜା ପ୍ରାଣରେ ଦିଏ ସାହା ।

ପଦ୍ମଗନ୍ଧା ପଦ୍ମାଳୟା ପୂର୍ଣ୍ଣଗର୍ଭା ଗୋଦାବରୀ

ପୂଣ୍ୟତୋୟା ବୈତରଣୀ ପ୍ରେରଣାର ଅସୁମାରି

ଦୟା କ୍ଷମା ବର୍ଷା ପରି ବରଷେ କରୁଣା ବାରି

ବିପଦେ ଆପଦେ ହୁଏ ସାହା

ସେ ମୋ' ମମତାମୟୀ ମାଆ ।

ଶ୍ରୀ ବିଦ୍ୟାଧର ସେଠୀ

ବ୍ୟକ୍ତିଗତ ସହାୟକ

ଜିଲ୍ଲା ପରିଷଦ କାର୍ଯ୍ୟାଳୟ, ବାଲେଶ୍ବର

ଓଡିଶା - ୭୫୬୦୦୧