🙏 ମାତା ମହାଲକ୍ଷ୍ମୀ 🙏

ବୈକୁଣ୍ଠ ସମାନ କରିଦିଅ ଘର ,

ମହାଲକ୍ଷ୍ମୀ ତୁମ ଚରଣେ ଜୁହାର ,

ନ ରହୁ ଅଭାବ ରହୁ ସ୍ଵଭାବ ,

ତୁମ ପୂଜା କଲେ ସବୁ ମିଳିବ ,

ତୁମ କୃପା ପାଇଁ ଦୁଃଖ ହୁଏ ଦୂର ,

      ମହାଲକ୍ଷ୍ମୀ ତୁମ ଚରଣେ ଜୁହାର ,,    

ହେଉ ସୁଖ ବର୍ଷା ଦୁଃଖ ନ ରହୁ ,

ମନର ଅଶାନ୍ତି ଦୂର ହୋଇଯାଉ ,

ବିଷ୍ଣୁଙ୍କ ଘରଣୀ ବୈକୁଣ୍ଠ ରାଣୀ ,

ଦିଅ ଆଶିଷ ଦୁଃଖ ମୋର ଶୁଣି ,

ଜଗତ ଜାଣେ ତୁମେ କୃପା ସାଗର ,

       ମହାଲକ୍ଷ୍ମୀ ତୁମ ଚରଣେ ଜୁହାର ,     

ହୃଦୟ ମନ୍ଦିରେ ପାଉଅଛ ପୂଜା ,

ମୋ ପାପ ପାଇଁ ଦିଅ ତୁମେ ସଜା ,

ଝଡୀଯାଉ ମୋର ସବୁ ପାପ ଧୂଳି ,

ଶାନ୍ତି ରହୁ ମାତା ନ ରହୁ କଳି ,

କରୁଥିବି ନିତି ପୂଜା ତୁମର ,

       ମହାଲକ୍ଷ୍ମୀ ତୁମ ଚରଣେ ଜୁହାର ,