ଅନ୍ଧାର ପଥରେ

ଅନ୍ଧାର ପଥରେ ତୁମେ ଆଲୋକ ,

ଶିକ୍ଷା ଦିଅ ତୁମେ ଆମ ଶିକ୍ଷକ ,

ଯାହା ବି ଶିଖିଛୁ ତୁମ କୃପାରୁ , 

ପାଶୋରି ଯିବନି କେବେ ମନରୁ , 

ଦୁନିଆରେ ଅମୂଲ୍ୟ ଏ ସମ୍ପର୍କ ,

       ଅନ୍ଧାର ପଥରେ ତୁମେ ଆଲୋକ ,,       1

ତୁମ ଦିନ ଆଜି ଗୁରୁଦିବସ ,

ରହିଥାଉ ତୁମ ସ୍ନେହ ଆଶିଷ ,

ହୃଦୟରେ ହୁଏ ତୁମରି ପୂଜା ,

ଶିକ୍ଷା ଦୁନିଆରେ ତୁମେ ହିଁ ରାଜା ,

ହୋଇଛ ଆମରି ଶୁଭଚିନ୍ତକ ,

       ଅନ୍ଧାର ପଥରେ ତୁମେ ଆଲୋକ ,        2

ଦୁନିଆଟା ଯଦି ଅନ୍ଧାର ହୁଏ ,

ଶିକ୍ଷାର ପ୍ରଦୀପ ଜାଳିବ କିଏ ? 

ଶିକ୍ଷାର ପ୍ରଦୀପ ଜାଳିବା ପାଇଁ ,

ଶିକ୍ଷକ ସାଜିଲ ଦୁନିଆ ପାଇଁ ,

ହେ ଶିକ୍ଷକ ତୁମେ ଶିକ୍ଷା ରକ୍ଷକ ,

       ଅନ୍ଧାର ପଥରେ ତୁମେ ଆଲୋକ ,,        3