ଗୁରୁ ହନୁମାନ

ଜୟ ହନୁମାନ ତୁମେ ଗୁରୁ ମୋର

କେତେ ଯେ ମହାନ ଭକତି ତୁମର ।

ତୁମେ ଜାଣ ଭକ୍ତି ଯୋଗ ଜ୍ଞାନ ଯୋଗ ;

ଜାଣିଲି ତୁମକୁ ଥିଲା ମୋର ଭାଗ୍ୟ ।

ତୁମଠୁ ଶିଖୁଛି ଏ ସାରା ସଂସାର ;

        ଜୟ ହନୁମାନ ତୁମେ ଗୁରୁ ମୋର ।୧

ରାମ ଭକ୍ତ ତୁମେ ଅଞ୍ଜନି ନନ୍ଦନ ;

ଶ୍ରୀ ରାମ ଚରଣେ ବିତିଲା ଜୀବନ ।

ତୁମଠୁ ଶିଖିଲି ଶରାଧା ସାହସ ;

ହେ ମାରୁତି କର ଅନ୍ୟାୟ ବିନାଶ ।

ରାମ ଭଜନର ତୁମେ ଅଟ ସାର ;

        ଜୟ ହନୁମାନ ତୁମେ ଗୁରୁ ମୋର ।୨

ରାମ ସେତୁ ପାଇ ତୁମ ଅବଦାନ ;

ରହିଥିବ ତାହା ସର୍ବଦା ମହାନ ।

ତୁମେ ରାମ ଭକ୍ତ ପୁଣି ରାମ ଦୂତ ;

ମିଛ ସଂସାରରେ ତୁମେ ଏକା ସତ ।

ବିନାଶ କର ହେ ପାପର ଭାର ;

        ଜୟ ହନୁମାନ ତୁମେ ଗୁରୁ ମୋର । ୩