ମାମୁନି

ଆଲୋ ମାମୁନି ଖେଳିବାକୁ ଯିବା

      ଛାତରେ ଦୁହିଁଏ ମିଶି ଖେଳିବା

କଥା କଟା କଟି ଜମା ହେବାନି

     କାହା ଖେଳନାକୁ ଆଉ ନେବାନି

ଆମ ଖେଳନାରେ ଆମେ ଖେଳିବା

       ଭାଇ ଭଉଣୀଙ୍କୁ ସାଥ କରିବା 

ଖେଳ ଖେଳିବା ଆମେ ଦୌଡ଼ି ଡିଆଁ

      ରାଗ ରୁଷା ଆଉ କରିବା କିଆଁ

ଗଢିବା ଆମେ ତ ବାଲିର ଘର

        ତା ପାଖେ କରିବା ଏକ ମନ୍ଦିର

ଭାତ ରାନ୍ଧିଦେବା ମିଛିମିଛିକା

        ଡାଲି ଭାତ ସହ ପିଆଜ ଲଙ୍କା

ମଜା ଆସିଯିବ ରାନ୍ଧିଲା ପରେ

          ଖାଇବା ତାହାକୁ ମିଛ ମିଛରେ

ଖେଳି ସାରି ଯିବା ନିଜ ଘରକୁ

          ଖିସି ହେବେ ମାଆ ଦେଖି ଆମକୁ