ମାଆ ବିରଜା (ପବିତ୍ର ଜନ୍ମ ତିଥି)

ପୂଣ୍ୟ ବୈତରଣୀ     କୂଳରେ ଜନନୀ

ବସିଛୁ ବିରଜା ତୁହି

ଗୁପତରେ ରହି       ପୂଣ୍ୟ ମନ୍ଦୋଦରୀ

ତୋ ପାଦ ଦେଉଛି ଧୋଇ

ତୋ ପାଶକୁ ଆସି     ନିରାଶ ହୋଇଛି

ପାରିବନି କେହି କହି

ତୋ କ୍ଷେତ୍ରେ ଜନମ  ହୋଇ ଭାଗ୍ୟବାନ

ସର୍ବଦା ଗର୍ବ କରଇ

କର୍ପୂର ଆଳତି           ମନରେ ଭକତି

ଆଖିରେ ଆଣଇ ଲୁହ

ତୋ ମୁଖ ଚନ୍ଦନ      ତୁଣ୍ଡରେ ସେବନ

ବିନାଶ କରଇ ଭୟ

ଆଜି ତୋ ପବିତ୍ର       ଜନମ ତିଥି ମା

ପାରୁନି ତୋ ପାଶେ ଯାଇ

ଦୁଃଖ ବି ଲାଗୁନି          ଭାବୁଛି ଏତିକି

ମୋ ପାଶେ ଅଛୁ ମା ତୁହି

ଚିତ୍ତ ରଞ୍ଜନ ଲେଙ୍କା (କଟକ)©