ମା' ମଙ୍ଗଳା

କାକଟପୁର ବାସିନୀ ମାଆ ମଙ୍ଗଳା

ତୁମେ ସାହା ନହୋଇଲେ ବୁଡିଲା ଭେଳା

କେତେଆଡୁ କେତେ ଭକ୍ତ ଆସନ୍ତି ଧାଇଁ

ମଙ୍ଗଳା ମା'ପରି ଆଉ କେହି ତ ନାହିଁ

ଦେହରେ ଶୋଭାପାଉଛି ମନ୍ଦାରମାଳା

କାକଟପୁର ବାସିନୀ ମାଆ ମଙ୍ଗଳା ।

ଦିଅ ଶକ୍ତି ଆସୁ ଭକ୍ତି କରିବି ପୂଜା

ନାନା ସ୍ଥାନେ ଉଡୁଅଛି ତୁମରି ଧ୍ବଜା

ମାଗୁଅଛି କାନୀ ପାତି ଚେନାଏ କଳା

କାକଟପୁର ବାସିନୀ ମାଆ ମଙ୍ଗଳା ।

ତୁମେ କାତ୍ୟାୟନୀ ମା'ଗୋ ଅଭୟଦାୟିନୀ

ରକ୍ଷାକର ମତେ ମା'ଦୁର୍ଗତିନାଶିନୀ

ପରାଣ ଛାଡିଯିବଟି ଶୁଖୁଛି ଗଳା

କାକଟପୁର ବାସିନୀ ମାଆ ମଙ୍ଗଳା ।

ତୁମେ ସାହା ନ ହୋଇଲେ ବୁଡିଲା ଭେଳା

ଦୟାକରିଥିବ କାଳେ ହେ ଆଦିମାତା

ପୂରୁବ ଅରଜି କର୍ମେ ଜୀବନ ପିତା

କଳୀଯୁଗେ ପ୍ରାଚୀ ତଟେ ଲାଗିଛି ଲୀଳା

କାକଟପୁର ବାସିନୀ ମାଆ ମଙ୍ଗଳା ।

ତୁମେ ସାହା ନ ହୋଇଲେ ବୁଡିଲା ଭେଳା ।