କନ୍ୟାରତ୍ନ

ଗରିବ କୂଳରେ ଜନ୍ମ ଦେଲ ପ୍ରଭୁ

ପୁଣି,କନ୍ୟା ଜନମ ଟେ ଦେଲ

କେମିତି ବଞ୍ଚିବି ତୁମ ଦୁନିଆଁ ରେ

ଟିକିଏ ବୁଝେଇ ଦେଲ ।

ନାରୀମାନ୍ସ ଲୋଭୀ ସଜେଇ ରଖିଛ

ତୁମରି ଏ ଦୁନିଆରେ

କନ୍ୟାରତ୍ନ ଟିଏ ଏଠି ସୁରକ୍ଷିତ ନୁହଁ

ପ୍ରତିଦିନ ଏଠି ମରେ ।

ପାଦେ ପାଦେ ପ୍ରଭୁ ବିପଦ ରଖିଛ

କନ୍ୟା ରତ୍ନ ଟିଏ ପାଇଁ

ଏମିତି କାହିଁକି ଅନ୍ୟାୟ କରିଛ

କନ୍ୟା ରତ୍ନ ଜନ୍ମ ଦେଇ ।

କନ୍ୟାଜନ୍ମ ପାଇ କଣ ଭୁଲ ମୁଁ କରିଛି,

ପ୍ରଭୁ ଏତକ ବୁଝାଇ ଦିଅ

ନିରୀହ ନିଷ୍ପାପ ଶିଶୁଟି ମୁହିଁ,

କାହୁଁ ଜାଣିବି ଏ ସମାଜର

ଅଡୁଆ ସୁତା ଖିଅ ।