ଜନେ ବିଚାର

ହାଟ ବଦଳିଲେ ବାଇଗଣ କେବେ

ଭେଣ୍ଡି କି ହୁଅଇ ଭାଇ।

ନୀଳ ବର୍ଣ୍ଣ ହେଲେ ଶୃଗାଳ କି କେବେ

ହୁକେ ହୋ କରିବ ନାହିଁ।।

ନଈ ବଦଳିଲେ କୁମ୍ଭୀର କି କେବେ

ଇଲିଶି ଟିଏ ହୋଇବ ।

ବିରାଡି ଟି ଯଦି ଗୁମ୍ଫାରେ ଶୋଇବ

ତାକୁ କି ବାଘରେ ଗଣିବ।।

ଘର ବଦଳିଲେ ଲୋକ କି ବଦଳେ

ପ୍ରକୃତି ଛାଡ଼େନା କାର ।

ନିଜ ସ୍ୱାର୍ଥ ଚିନ୍ତା ଯାହାକୁ ଘାରିଛି

ଭଲ ଦେଖେ ନାହିଁ କା"ର।।

ମାଛ ଛାଡ଼ି ଦେଇ ବିରାଡି କି ଆଉ

କେବେ ବୈଷ୍ଣବ ହୋଇବ।

ବଗ ଟା ବିଚରା ଧ୍ୟାନ କରେ ବୋଲି

ତାକୁ କି ସନ୍ଥ ରେ ଗଣିବ।।

ସୁଧି ଜନେ ମନେ ବିଚାର,

ଯମ ଯଦି ବସେ ବିଷ୍ଣୁ ଙ୍କ ଆସନେ

କେମିତି ପାଳିବେ ସଂସାର ???

ପରେଶ ଚନ୍ଦ୍ର ଦାସ ,ଗୋପାଳପୁର ,ଭୋଗରାଇ,ବାଲେଶ୍ୱର