ଲାଇବ୍ରେରୀ
ପ୍ରୋଫାଇଲ୍
ଜୀବନ ଗୀତା-୩୦୦
ଜୀବନ ଗୀତା-୩୦୦
1 min
265
ଜୀବନରେ ଯଦି ଉତ୍ତେଜନା ନାହିଁ
ନାହିଁବି ପାଗଳପଣ
ସେ ଜୀବନ ସିନା ଶିଥିଳ ସଂକୀର୍ଣ୍ଣ
ନଥାଏ ତାହାର ଟାଣ ॥୦॥
ଜୀବନର ସବୁ ଅସଙ୍ଗତିକୁ
ଆପଣେଇ ନିଏ ଯିଏ
ତାହାଠାରୁ ବଳି ବୀର ବା ଆଉ
ପୃଥିବୀରେ ଅଛି କିଏ
ଜୀବନରେ ଯଦି ଉଦ୍ଦୀପନା ନାହିଁ
କିଛିବି ନଥାଏ ଜାଣ ॥୧॥
ଜୀବନର ଯେତେକ ଉପଭୋଗ୍ୟ
ଉପଭୋଗ କରେ ଯିଏ
ପୃଥିବୀର ସବୁ ସୌନ୍ଦର୍ଯ୍ୟ ବସ୍ତୁ
ପାଇପାରେ ସିନା ସିଏ
ଜୀବନରେ ଯଦି କଉତୁକ ନାହିଁ
ଜୀବନ ନୁହେଁ ରଂଗୀନ ॥୨॥
